حلوة قرن غزال بالعجينة السحرية محشي بالكاوكاو و مزينين بالشيكولاطة

 خطوات تحضير ميني كيش بالدجاج بنين و خفيف بنة لا توصف نتمنى تجربوها من مدونة صفاء للطبخ.

المكونات:

1. عبر حليب دافي
2. ربع كاس زيت
3. مغرف كبيرة خميرة الخبز
4. كيس خميرة الحلوى
5. مغرف صغيرة ملح
6. مغرف كبيرة سكر
7. حبة بيض
8. فرماج مبشور
9. الحشو( بالنسبة للحشو يكون اختياري)

بالنسبة للحشو انا قطعت صدر دجاج الى مربعات و قليتهم مع حبة بصل مقطعة مربعات ايضا و ملح و زيت و توابل راس الحانوت فلفل اسود ونجبيل مطحون نقلوهم كي ينشف الجاج نطفو عليه و نرشوهم بزعتر مطحون.

طريقة التحضير:

في اناء نحطو كاس حليب دافي و نضيفولو ربع كاس زيت هنا العبر تع الزيت نعبروه بنفس الكاس لي عبرنا بيه الحليب من بعد نزيدو مغرفة كبيرة تع خميرة الخبز و حبة بيض ومغرف كبيرة تع سكر خشن (سكر كريستاليزي) نمزجو المكونات هاذي مع بعض من بعد نبداو نضيفو فالفرينة بالتدريج و نضيفو معاها كيس خميرة الحلوى و نبقاو نلمو فالعجينة حتى نتحصلو على عجينة متماسكة و تتلصق باليد ندلكوها مدة خمس دقايق و نخلوها ترتاح حتى تخمر و يتضاعف الحجم تاعها عندما ترتاح و تخمر نروحو نجيبو ليمول تاعنا تع ميني كيش و نهنوهم بشوية زيت او مرغرين باش ميلصقولناش و نبداو نعمرو فيهم بالعجية هنا لازم منكثروش لعجية فالمول يعني نخلوها شوية رقيقة كي نعجنوها فالمول لانو رايحة تزيد تخمر كي تكون تطيب من بعد كي نعمرو العجينة تاعنا في ليمول نحطو الحشو تاعنا و بجيه نكونو حطينا حبة بيض كاملة مع نص كاس حليب نفرغوهم فوق الحشو و ونضيفو مالفوق جبن مبشور و نحطوهم يطيبو على درجة حرارة 180 و نخلوهم يطيبو حتى نشوفوهم تحمرو و تجمرو نخرجوهم و نخلوهم يبردو من بعد نحوهم من ليمول تاعهم و نتيجة مرضية و ناجحة و بنة لا توصف وبالصحة و لهنى نتمنى ترجبوها و تنجحو فيها ان شاء الله.