حلوة قرن غزال بالعجينة السحرية محشي بالكاوكاو و مزينين بالشيكولاطة

جرربنا مع بعض وصفات حلويات متنوعة واليوم ان شاء الله رايحين نديرو وصفة لبقلاوة مقرمشة و معسلة من مدونة صفاء للطب

بقلاوة مقرمشة و معسلة على الكيف

بقلاوة مقرمشة و معسلة على الكيف

المكونات:

1. 4 عبار فرينة مغربلة
2. عبر ليدام(زبدة ذايبة)
3. حبة بيض
4. قرصة ملح
5. ماء زهر
6. مايزينة للتوريق
7. العسيلة 
8. الحشو

الحشو: بالنسبة للحشو هنا يكون اختياري كاين لي تحبو باللوز كاين لي يحبوه بالكاوكاو يعني يرجع حسب المقدرة تع كل شخص و حسب الذوق

طريقة تحضير الحشو:

نديرو 3 عبار كوكاو مطحون او لوز مطحون مع عبر سكر خشن ( سكر كريستاليزي) و شوية تع قرفة و نبداو نلمو فيه بماء الزهر غير بالشوية حتى نتحصلو على حشو يتثرثر كيما الطعام يعني منبللوش الحشو تاعنا بزاف باش ميخرجلناش من العجينة كي نكونو نطيبو فيه.

طريقة التحضير:

الخطوة الأولى:

 في اناء نديرأربعة عبار فرينة مغربليين مع حبة بيض و عبر زبدة ذايبة و قرصة ملح و نخلطو الكل مع بعض و نلمو لعجينة بماء الزهر من بعد ندلكوها مدة دقيقتين نقسمو لعجينة الى 12 كرية  و نخلوهم يرتاحو لمدة 6 ساعات.

الخطوة الثانية:

بعدما تريح العجينة مليح نروحو نحلوها و نحطوها فالسنيوة باش تطيب بالنسبة لخطوات كيفاش نفتحو لعجينة في مشينة تع البقلاوة و لي معندهاش المشينة تفتحها بالحلال عادي باستخدام مايزينة نروحو الان الي كيفية فتح العجينة نحكمو كرة من كريات العجينة و نحلوها شوية بالحلال و نرشوها بالمايزينة من بعد نفوتوها فالمشينة في رقم 3 من بعد نرجعو نفوتوها في رقم5 بعدها في رقم 8 نتحصلو على طبقة نديروها في سنيوة تكون مدهونة بالزبدة ذايبة و نكملو باقي الطبقات و ندهنونو بين كل طبقة و طبقة اخرى بمرغرين ذايبة من بعد نحطو الحشو تاعنا و نبسطوه بشكل مسطح من كل الجوانب بدون ما نضغطو عليه

بعدها نكملو نفتحو باقي الطبقات بنفس الخطوات  من بعد نقطعو البقلاوة تعنا على شكل مقروضات او مربعات يعني كل واحد على حساب الشكل لي يحبو و نزينوها بحبة كوكاو مالفوق او لوز و نزيدو ندهنو الطبقة الفوقانية كاملة بالزبدة الذايبة و نحطوها تطيب فالفرن لي نكونو شعلناه يسخن من قبل على درجة حرارة 180 درجة مالتحت وكي نشوفوها تحمرت مالتحت نطفو عليها و نشعلو عليها مالفوق كي تتحمر و تاخذ اللون الذهبي نخرجوها مالفرن و نسقوها بالعسيلة مباشرة ( بالنسبة للعسيلة اذا لقيتوها ثقيلة بزاف نخففوها بماء الزهر).

لاطلاع على المزيد من الوصفات اضغط هنا