بيتزا هشيشة و ينينة بعجينتي السحرية تستحق التجربة |
بيتزا هشيشة و ينينة بعجينتي السحرية تستحق التجربة |
لكل عشاق البيتزا اليكم هذه الوصفة ذوقها رائع و طريقة تحضير سهلة انصحكم بتجربتها من مدونة صفاء للطبخ.
المكونات:
- فرينة
- زيت
- حبة بيض
- حليب دافي
- خميرة الخبز
- كيس خميرة الحلوى
- مغرف اكل سكر خشن
- مغرف صغيرة ملح
الصلصة:زوج حبات طماطم مسكرفجين و ملح و راس الحانوت زعتر
طريقة التحضير:
في اناء نحطو عبر تع حليب دافي نضيفو معاه ربع زيت و مغرف كبيرة خميرة الخبز و حبة بيض مغرف صغيرة ملح و مغرف كبيرة سكر خشن و نمزج المكونات هاذو كامل مع بعض من بعد نبداو نضيفو فالفرينة بالتدريج ( بالنسبو للفرينة معندناش كمية محدودة) نبقاو نضيفو فالفرينة بالتدريج ونضيفو كيس خميرة الحلوى و نلم لعجينة تاعي حتى نتحصلو على عجينة تتلصق شوسة فاليد ندلكوها لمدة خمس دقايق من بعد نغطوها و نخلوها ترتاح حتى تخمر و يتضاعف الحجم تاعها نروحو نخبزوها في سنيوة نكونو دهناها بالزبدة و نزيدو نخلوها ترتاح مدة عشرين دقيقة نشعلو الفرن يسخن على درجة 180 ونخلوه يسخن مليح نحطو الصلصة فوق بيتزا تعنا و نديرولها صلصة الطماطم و لحم مفروم او دجاج ولا سكالوب نكونو قليناهم مع حبة بصل و شوية ليزيبيس هنا واش نديرو مع البيتزا يرجع حسب الذوق من بعد نحطوها تطيب كي تطيب نديرولها فرماج رابي من الفوق و نزيدولها ميوناز و اي اضافات اخرى تحبوها وتفضلوها نتوما و بالصحة و لهنى على قلوبكم.