تحضير رولي الدجاج المحشي بالجبن من مطبخ صفاء, طبق شهي يستحق التجريب, أهم مكون به هو الدجاج المفروم على شكل رولي و يزينه بدوره الجبن حيث يعطيه ذوق جد مميز. فقط تابعوا المكونات و طريقة التحضير بمدونة صفاء للطبخ.
المكونات:
- صدر دجاج مفروم
- قصبر مقطع
- حبة بيض
- مغرف كبيرة فرينة
- ملح
- فلفل اسود
- راس الحانوت
- زنجبيل مطحون
- ثوم مسكرفج
- الجبن
طريقة التحضير:
الخطوة الأولى:
في صحن نوضع صدر دجاج مطحون و حبة بيض و ملح و فلفل اسود راس الحانوت زنجبيل مطحون ثوم و مغرف كبيرة فرينة و نمزج المكوان جيدا مع بعض من بعد نجيبو بابي سيلوفان ( ورق حفظ الاكل الشفاف) و بابي اليمنيوم نفرشو بابي اليمينيوم هو الاول من بعد نحطو فوقو بابي سيلوفان و نوضع الدجاج المفروم لي كنا تبلناه مع المكونات الي ذكرناها و نبسطو او نخبزو على شكل مربع و نحشوه بالجبن فالوسط و نبداو نروليو فيه ببابي سيلوفان غير بالعقل كي نرولوه نربطو بابي سيلوفان من الطرفين من بعد نزيدولو بابي اليمينيوم و نكونو من جيهة اخرى حطينا قدرة فيها الما نخلوها حتى يبدا الماء يغلي نحطو فوقها كسكاس و نروحو نديرو فيه هذاك الرولي يفور و نغطوه بغطاء و نخلوه يطيب مدة 45 دقيقة.
الخطوة الثانية:
من بعد كي يطيب نحوه من بابي سيلوفان و نروحو نحمروه في مقلة مع الزبدة و نحمروه على كل الجوانب كي يتحمر نحوه و نخلوه حتى يبرد و نقطعوه على شكل دوائر و نقدموه مع صلصى بيضاء او مع صوص بالحمص او جلبانة هنا يكون اختياري ان شاء الله تجربو هاذي الوصفة وتنال اعجابكم و الصلاة و السلام على سيدنا و شفيعنا محمد عليه الصلاة و السلام
للاطلاع على المزيد من الوصفات اضغط هنا
روابط لوصفات بالمدونة :
- ميني كيش بالدجاج ماريني و متبل بالتوابل
- بقلاوة مقرمشة و معسلة على الكيف
- بيتزا هشيشة و ينينة بعجينتي السحرية تستحق التجربة
- ليكراب حلويين بمعجون التين صنع منزلي ولا أروع