اليوم ان شاء الله رايحة نعمل ليكراب حلويين محشيين بمعجون التين من مدونة صفاء للطبخ.
ليكراب حلويين بمعجون التين صنع منزلي ولا أروع |
المكونات:
- 2 حبات بيض
- نصف كاس زيت
- كاس و ربع فرينة
- ملعقة صغيرة فانيلا سائلة
- قرصة ملح
- 4مغارف كبار أكل سكر خشن
- نصف لتر حليب دافي
طريقة التحضير:
في اناء نحطو زوج حبات بيض و مغرف صغير فاني سائلة و نصف كاس زيت و 4 مغارف سكر خشن و نصف لتر حليب دافي و نمزج المكونات مع بعض حتى نتحصلو على خليط ثقيل شوية نخلوه يرتاح لمدة 30دقيقة ( ملاحظة كل ما يرتاح الخليط يجونا ليكراب تعنا هايلين) من بعدما يرتاحو نروحو نطيبوهم نحطو المقلة على نار هادية و نخلوها حتى تسخن مليح ندهنوها بالزبدة بعدها نحطو الخليط مباشرة و المقلة متكونش فوق النار لما نوضع الخليط و نمشوه مع كافة مساحة المقلات و نحطوه فوق الفرن يطيب كي يطيب من الوجه التحتاني نقلبو خبزة لكريب تاعنا على الوجه الفوقاني باش يطيب بعدما ما نكملو نطيبوهم نحشوهم بمعجون التين و لا اي معجون عندك او شسكولا هنا يرجع حسب ذوق تع كل شخص وواش متوفر عندك فالبيت
للاطلاع على المزيد من الوصفات من مدونة صفاء للطبخ اظغط هنا