حلوة قرن غزال بالعجينة السحرية محشي بالكاوكاو و مزينين بالشيكولاطة

 طريقتي في تحضير مادلان خفيف كيما القطن مزين بالكاوكاو و معسل  و بمكونات بسيطة و متوفرة في كل بيت من مدونة صفاء للطبخ.

طريقة التحضير:

1. 6 حبات بيض بدرجة حرارة الغرفة
2. كاس زيت
3. كاس خليب
4. كاس سكر خشن
5. 2 اكياس خميرة الحلوى
6. فنيلة سائلة اي ذوق تحبو 
7. فرينة مغربلة
8. قرصة ملح

طريقة التحضير:

في اناء دايما نوضعو ستة حبات بيض مع الكاس تع السكر الخشن و كاس زيت و كاس حليب دايما نوضحلكم الكاس لي نعبرو بيه يكون نفسو و نعبرو بيه كامل المكونات نمزجو المكونات السائلة كاملة مع بعض جيدا ونزيدو لفاني السائلة و نبداو نضيفو فالفرينة بالتدريج و نضيفو كيسين خميرة الحلوى و نبقاو نخلطو ونضيفو فالفرينة غير بالشوية و نشوفو الخيط تاعنا كي نلقاو خليط ثقيل شوية و كي نرفدوه بالمغرف للفوق نلقاو الخليط يسيل و يتقطع منين ذاك هنا نحبسو منزيدوش الفرينة من بعد نحضرو ليكيسات تعنا تع المادلان او ليمول تع المادلان تع السيليكون و نبداو نديرو فالخليط فيهم هنا الكيسات تاعي داولي بالتقريب مغرفة كبيرة و شوية تع خليط يعني منعمروهمش حتى للفوق لانو رايحين يفيضولي كي يبكونو يطيبو نكونو شعلنا على الفرن و خليناه يسخن على درجة 180 نخلوهم يطيبو مدة 15 حتى ل 20 دقيقة يعني حتى نشوفوهم تحمرو شوية نروحو نشوفوهم بكيردو ندخلوه مالفوق غير يخرج ناشف هنا خلاص نعرفو بالي طابو نخرجوهم و نحطو فوقهم شوية عسيلة و نرشوهم بكاوكاو محمص و مطحون رايحين يجونا مادلان هايل خفيف و معسل و بنين بزاف ان شاء اللهتجربو هاذي الوصفة و تنجحلكم و تنال اعجابكم

روابط لوصفات حلويات و تحليات  متعددة من مدونة صفاء للطبخ يمكنكم الاطلاع عليها بالضغط عليها