طبق صبيعات الدجاج المفروم و الجلبانة مع مرق أبيض بنة لا تقاوم

 طريقة تحضير حلوة قرن غزال بالعجينة السحرية المحشي بالكاوكاو و المزينين بالشيكولاطة من مدونة صفاء للطبخ و السر في نجاح هذي الوصفة هي العجينة السحرية لي رايحين نعتامدو عليها في هذي الوصفة من مدونة صفاء للطبخ.

المكونات :

1. كاس زبدة ذايبة
2. كاس زيت 
3. كاس حليب
4. مغرف صغيرة خميرة الحلوى
5. فرينة مغربلة
6. ماء الزهر
7. عسيلة
8. شيكولاطة للتزيين

الحشو:

كوكاو محمص و مرحي مع سكر كريستاليزي و نلموه بماء الزهر و نلموه حتى نتحصل على حشو على شكل عجينة يعني يتلم فاليد

طريقة التحضير:

الخطوة الأولى:

في اناء نحطو كاس زبدة ذايبة مع كاس زيت و كاس حليب هنا نبهكم انو الكاس لي نعبرو بيه الزبدة ذايبة نكملو بيه بقية المكونات

من بعد نمزج المكونات مع بعض جيدا عندما نمزج المكونات مع بعض نبداو نضيفو فالفرينةالمغربلة بالتدريج و نيفو معاها مغرف صغيرة خميرة كيميائية الفائدة من وضع الخميرة الكيميائية في هاذ الوصفة هو انو تخلي العجينة تجي بزاف خفيفة و هشيشة و طرية و تذوب فالفم نبقاو نضيفو فالفرينة حتى نتحصلو على عجينة متماسكة و نخلوها طرية مش ناشفة بزاف يعني تجي طرية و متتلصقش فاليد من بعد نحطو لعجينة ترتاح 

الخطوة الثانية:

بعدما خلينا العجينة ارتاحت لمدة خمسة الى عشر دقاسق نروحو نشكلوها نديرو شوية فرينة في مكان العمل تاعنا و نبداو نحلو فالعجينة نحلوها بسمك واحد سنتيم متجيش رقيقة و متجيش خشينة فالوسط يعني لازم منخلوهاش خشينة لانو وضعنا خميرة الحلوى فالعجينة تاعنا بعدما نحلوها نروحو نطعوها على شكل دوائر بكاس او بطابع على شكل دائري من بعد نحشي الدوائر تاعي بالحشو تع الكاوكاو و نغلقو الدائرة و نشكلوها على شكل هلال كيما نشكلو التشاراك من بعد ندخلوهم للفرن يطيبو على 180 درجة على نار متوسطة حتى نشوفوهم تحمرو مالتحت و مالفوق نخرجوهم نخلوهم يبردو و نزينوهم بالشيكولاطة او اي تزيين تحبوه كيما انا هنا فالصورة لي راني حاطتها راني مزينتها نص شيكولاطة و نص كاوكاو النص لي زينتو بالكاوكاو كنت غطست هذاك النص فالعسيلة و رمدتها في كوكاو محمص و مطحون و الجيهة الاخرى زينتها بالشيكولاطة عادي يعني المهم التزيين يبقى اختياري جربو هاذي الوصفة النتيجة رايحة تكون مدهشة و رايحة تعجبكم اكيد و ان شاء الله تنجحلكم و تنال اعجابكم 

لمعرفة المزيد من الوصفات اضغط هنا