حلوة قرن غزال بالعجينة السحرية محشي بالكاوكاو و مزينين بالشيكولاطة

 تحضير وصفة المعروك او المسمن بطريقة مبسطة و سهلة و نتيجة  لمعروك  مورق و بزاف بنين من مدونة صفاء للطبخ.

المكونات:

1. 4 عبار  الدقيق  الرطب
   
2. فرينة 
3. قرصة ملح
4. ماء 

طريقة تحضير العجينة:

الخطوة الأولى:

في اناء نحطو اربعة عبار سميد رطب مع زوج عبار فرينة و قرصة ملح و نبداو نضيفو فالما و نطلقو فالعجينة و ندلكو فيها السر في نجاح عجينة المعروك او المسمن هو الدليك تع العجينة كلما دلكناها بزاف تعطينا معروك مورق و خفيف نبقاو ندلكو و نطلقو فالعجينة حتى نتحصلو على عجينة طرية يعني العجينة منخلوهاش طرية بزاف و ماشي يابسة هنا انا كيفاش نعرف الحد للعجينة تاعي اذا خلاص راهي مليحة نجربها نضغط عليها بصبعي كي نلقى لعجينة دخل فيها صبعي هنا خلاص لعجينة راهي ناجحة و نحبس من الدليك من بعد نحطوها تريح من لعدما تريح نرجعو نخدموها كريات كيما راهي موضحة فالصور من بعد ندهنوهم بالشوية زيت مالفوق و نغطوهم بكيس بلاستيكي و نخلوهم يزيدو يرتاحو مدة 10 دقايق 

الخطوة الثانية:
بعدما يريحو نروحو نخبزوهم و نطيبوهم نشعلو الفرن على نار هادية و نحطو الطاجين لي نطيبو فيه المعروك او المسمن يسخن من جيهة ندو ثلاث دوائر و نحطو شوية زيت فالقصعة لي رايحين نخبزو فيها و نفتح الكرية الاولى و نحطها بجيه و نزيد الثانية ايضا نفتحها بالزيت و الثالثة ايضا بنفس الطريقة ة نحطوهم فوق بعضاهم و نزيدو نفتحوهم كاملن مع بعض من بعد نرجعو نحطو شوية زيت فالطاجين و نحطو الخبزة تع المعروك تاعنا تطيب كي نشوفوها نشفت مالفوق نرشوها بشوية زيت و نقلبوها على الوجه الثاني و نرشوه ايضل بالزيت و من بعد نخلو الوجهين يتحمرو من بعد نحوهم من فوق الفرن هذي هي طريقة تحضير المعروك او ما يسمى بالمسمن نتمنى تجربوها مكمش رايحين تندمو لانو نتيجة جد مضمونة و ناجحة