طريقة تحضير تحلية بالتمر و الموز و الفلان كراميل بزاف بنينة من مدونة صفاء للطبخ مذاقها منعش لكونها تحتوي على مكونين من الفاكهة لي هوما التمر و البانان و هما يحتوو على فيتامينات مفيدة للجسم و معروف انو التمر و البانان نوجدوهم طيلة فصول السنة نتمنى نمدلكم دايما وصفات سهلة و بسيطة و غير مكلفة و لي توجدوها في مدونة صفاء للطبخ.
 |
| تحلية بالتمر و الموز و الفلان باردة و ذوقها منعش |
 |
| تحلية بالتمر و الموز و الفلان باردة و ذوقها منعش |
المكونات:
- 6حبات تمر
- حبة موز
- نصف لتر حليب
- كيس فلان كراميل بقيمة 100غ
طريقة التحضير:
في خلاط كهربائي (ميكسور) نوضعو 6حباة تمر منزوعين النواة و حبة موز مقطعة و نصف لتر حليب و كيس 100غ بودرة الفلان كراميل و نميكسيو يعني نمزجو جميع المكونات في الخلاط مع بعض جيدا من بعد نجيبو القوالب لي رايحين نفرغو فيهم الخليط تاعنا و نعمروهم نحطو اولا صلصة الكراميل في قاع القالب و نحطوه في المجمد كي تحكم صلصة الكراميل روحها فالقالب نخرجوها و نفرغ فوقها الخليط نكمل القوالب تاعي نعمرهم بنفس الطريقة من بعد ندخلوهم للمجمد باش يبردو من بعد نخرجوهم و نزينوهم مالفوق بصلصة الكراميل مالفوق او نزيدو مكسرات ايضا كيما كوكاو محمص و مطحون او لوز او بيسطاش طريقة التزيين اختيارية و فالاخير رايحين تتحصلو على تحلية هايلة و بنينة بزاف و زيد مهيش رايحة تدي منكم وقت بزاف ورايحين تحضوها فقط في وقت وجيز و النتيجة رايحة تكون ولا أروع نتمنى تجربوها و تنال اعجابكم و الصلاة و السلام على حبيبنا و شفيعنا محمد صلى الله عليه و سلم