حلوة قرن غزال بالعجينة السحرية محشي بالكاوكاو و مزينين بالشيكولاطة

 كيفية تحضير طبق صبيعات الدجاج المفروم مع الجلبانة و مرقة بيضاء  من مدونة صفاء للطبخ و نظرا لاحتواء الطبق على الدجاج رايح يكون طبق غني بالبروتينات و نتيجة روعة و بنة لا تقاوم من مدونة صفاء للطبخ 2020.

 

 

المكونات:

1. صدر دجاج مرحي 
2. حبة بصل كبيرة مسكرفجة
3. زوج فصوص ثوم مسكرفجين
4. ملح
5. مرق الدجاج
6. توابل (راس الحانوت،فلفل اسود، زنجبيل مطحون) 
7. معدنوس و قصبر مقطعين
8. حمص 
9. بيض
10. مغرفة كبيرة فرينة
11. نص كاس خبز مطحون ( لشابلوغ)
12. زيت

طريقة التحضير:

الخطوة الأولى:

في اناء نجيبو صدر دجاج مرحي و نضيفولو فص ثوم مسكرفج و راس الحانوت فلفل اسود زنجبيل ملح معدنوس مقطع ملح حبة بيض ملعقة كبيرة فرينة و نص كاس خبز مرحي ( لشابلوغ) نمزجو جميع المكونات جيدا مع بعض من بعد نشكلو الخليط على شكل كريات و نحطوهم بجيه

الخطوة الثانية:

من جيهة نروحو نحضرو لاصوص البيضاء مع الحمص نديرو في طنيجرة حبة بصل كبيرة مسكرفجة و حمص و فص ثوم مسكرفج و زيت وتوابل بالنسبة للتوابل رايحين نحطو نفس التابل لي تبلنا بيهم الدجاج المفروم نقلو البصل و نزيدو الملح و معدنوس نقلو الكل مع بعض كس نشوفوهم تقلاو مليح نضيفو ما سخون و نخلو المرق حتى يغلي و ينقص شوية نحطو كريات الدجاج المفروم  يطيبو كي نشوفو المرق خثر نطفو على الطنيجرة و نضيفو قصبر مطحون من بعد نحطوه في طبق التقديم و النتيجة رايحة تكون مذهلة طبق متكامل و غني بالبروتينات و خفيف و بنة لا تقاوم نتمنى تجربو الطبق تاع اليوم و تنجحو فيه و الصلاة و السلام على حبيبنا  شفيعنا محمد صلى الله عليه و سلم

للرغبة في معرفة المزيد من الوصفات من مدونة صفاء للطبخ