حلوة قرن غزال بالعجينة السحرية محشي بالكاوكاو و مزينين بالشيكولاطة

 طريقة تحضير هليلات سهلة سريعة و نتيجة هايلة و مرضية من مدونة صفاء للطبخ.

يمكنكم الاطلاع على جميع وصفات الحلويات المنشورة بالمدونة من هــنــا .

تحضير هليلات حلويين بنان و يذوبو فالفم

المكونات: 

1. زبدة ذايبة
2. زيت
3. حليب
4. مغرف صغيرة خميرة الحلوى
5. قرصة ملح
6. حلوة الترك 
7. عسل 
8. كوفريط مطحون ولا اي بيسكوي مطحون
9. شكولاطة للتزيين
10. غرينة 

طريقة التحضير: 

في اناء نحط عبر تع زبدة ذايبة و عبر زيت و عبر حليب ( الكاس لي نعبرو بيه الحليب نعبرو بيه بقية المكونات السائلة) نمزجو المكونات مع بعض من بعد نضضيفو قرصة ملح و نبداو نضيفو فالفرينة بالتدريج و نحطو معاها مغرف صغيرة خميرة الحلوى نبقاو نضيفو فالفرينة حتى نتحصلو على عجينة متماسكة مهيش ناشفة و متتلصقش فاليد من بعد نخلوها تريح خمس دقايق و نبدا نحلو فيها و نقطعها على شكل دوائر  بعدها نحشو الدوائر بحلوة الترك او كوكاو مطحون يعني الحشو اختياري و حسب الذوق و من بعد نغلقو الدوائر و نشكلوهم على شكل هلال و ندخلوهم للفرن يطيبو على نار متوسطة على 180 درجة لمدة عشرين دقيقة يعني حتى يتجمرو لهليلات و يطيبو مالتحت و مالفوق نخرجوهم و نغطسوهم فالعسل و هوما سخونين و نرمدوهم في كوفريط مطحون و لا اي بيسكوي عندك فالدار بعدها نزينوهم مالفوق بخطوط تع شيكولا كيما راه موضع فالصورة... شهية طيبة